Ingabire Victoire Umuhoza Ati”, Twemera ko nta Terambere rirambye ryashoboka nta demokarasi mu gihugu kandi ko na demokarasi idashoboka nta terambere rirambye kuri bose rihari”
ashinga “Ishyaka Riharanira imiberehomyiza y’abaturage n’ubwisanzure “ DEVELOPMENT AND LIBERTY FOR ALL “ DALFA – Umurinzi nkuko byatangajwe na nyirubwite ko ishingiye ku mahame 2 y’ingenzi”
Amazimwe ashira ivuga, inkuru ibaye impamo, uwari warashinze FDU -inkingi kuwa 9 Ugushyingo 2019, Bahunga Justin yasohoye itangazo ko asimbuye byagateganyo Ingabire Victoire Umuhoza ku buyobozi bwa FDU Inkingi amushimira ubwitange, kwiyibagirwa yagize mu myaka ishize.
MontJali News yabajije Ingabire igisobanuro cya Logo y’ Umurinzi yagize ati:
“Turi abarinzi bibyiza by’ uRwanda, duteze ibiganza ngo hatagira uhungabanya ibyo byiza.Izuba Ryerekana ko hari umucyo nta mwijima ugomba kuba mu gihugu cyacu”
Ubusanzwe Umurinzi mu Rwanda uzwi nk’igiti cy’Umuko cyatabaye Ryangombe rya Babinga ubwo imbogo yamucumitaga icumu ikamujugunya mu giti cy’umuko.
Rubanda ivuga ibyo ishaka!
Bati “yiyemeje gushinga Ishyaka rigendera ku mategeko agenga FORUM mu Rwanda,kuko yiyambaje imandwa z’abazungu zikamubeshya”bati “Higa urenza, n’uvumbura inyamaswa y’insindanya uzatubwire aka Ryangombe, watumye kuri Nyiraryangombe” ati “Umwana umwe si umuryango, igiti kimwe si ishyamba! Umugore ambandwe, umugabo ambandwe,ati “reba amata ya gitare mu gitereko,wende n’icyahi cya Muriziwera muhurire ku Rutare rwa Butaza ujye gutegera ababyeyi I Raba!
Abahitamywe na RUD I_Urunana I Musanze na Habibu Mudasiru wa RNC yafashwe mu gitero cya FARDC/p.Internet
Inkuru iba kimomo abakurikirana ibyo mu karere bavuga ko kwitandukanya ari amatakira ngoyi,kuko ibyo avuga bitashoboka,Musanze hatemba imivu y’amaraso,FDLR,CNRD,RUDI–Urunana n’indi mitwe yamushibutseho ikigaba ibitero ku Rwanda, ubu ikaba yibumbiye muri P5. Bati‘amagambo avuga igihe kizamugaraza,kuko P5itangira yarayishyigikiye kandi nubu akiyishyigikiye ahinduye izina,basanga yibutse ibitereko yasheshe!’
Amazi ntararenga inkombe!
Abagenekenereza bati cyakora amazi ntararenga inkombe hari icyo yaramira,niyo mpamvu arekuye ishapure akiyambaza Umurinzi kuko mu minsi yashize yagaragaye ari kumwe na Rutanga rw’amaboko wasanga yaramutereye inzuzi ndagu zikamuyobora k’Umurinzi!Igiti cyatabaye imandwa nkuru ki kamubera intsinzi agatsinda umuzimu wa Iragena,Boniface,Syldio,Eugene,na Anselme wahambanywe ikara!
Abarwanashyaka ba FDU –Inkingi bishwe abandi baburirwa irengero/p.internet
Bakomeza batebya ko ntawuvuma iritarenga byose ko bishoboka nyuma y’ibi bitambo yahinduka agatungura benshi! Bakabihera ku ngero zifatika uhereye kuri Iyamuremye Augustin uyoboye SENA umukwe wa Sindikubwabo wari perezida wa Leta y’abatabazi! Gen Rwarakabije Paul, na bagenzi be, Me Uwizeyimana Evode wabaye soma mbike wa RNC, avuga zigata abashi ku ma Radiyo ni umunyabanga wa Leta, n’abandi barimo Bamporiki Edouard,Dr Habineza Frank ubu Green party iganje mu Nteko iyoboye Forum y’amashyaka mu Rwanda, nyuma y’igitambo cya visi perezida wayo Andre Kagwa Rwisereka.
MontJali News yifuje kumenya icyo Dr Frank Habineza atekereza ku kwitandukanya kwa Victoire Ingabire Umuhoza na P5, kwegura muri FDU –Inkingi kuko 2010 yitandukanyije na Victoire Ingabire Umuhoza, na Me Ntaganda Bernard mu ihuriro bakoze ry’abatavuga rumwe na leta,
ati “Njye ntacyo na bivugaho”
Photo Internet ; Me Ntaganda Bernard na Victoire ingabire kuri TGI Nyarugenge bakurikirana urubanza rwa Diane Rwigara
Me Ntaganda Bernard ati “amagambo ahariwe Nkana!
Mont Jali News yabajije Me Ntaganda Bernard icyo atekereza ku kwitandukanya na P5 inyungu cyangwa igihombo,yahise akura inzira ku mulima ati” ibya P5 amagambo araharirwa Nkana” akomeza avuga ko akunda kuvugira hanze nk’induru, ati “PS Imberakuri n’ishyaka ryemewe mu Rwanda ntabwo yakorana n’amashyaka arwanya leta hanze y’u Rwanda kuko akora ibinyuranyije n’amategeko.
Abo bibabaza bababare,ariko sinzareka kuvuga ukuri, kuko ngira amahirwe yo kuba umunyapolitiki nkaba n’umunyamategeko!Victoire Ingabire yahinduye isura ya politiki y’u Rwanda no mu mahanga,ibisigaye niwe uzagena uko akora politiki ye.Kubindeba amaboko ndayarambuye ku muntu ushaka gukorera igihugu ku neza y’abanayarwanda,twebwe ntabwo turi abiyahuzi dukunda ubuzima niyo mpamvu twifuriza abanyarwanda ibyiza”.
Kurundi ruhande hakurya y’inyanja umunyapolitiki utarashatse ko tumutangaza izina nishyaka aturukamo bati “igihe kizatanga urumuli kubyo tudafitiye igisubizo akakanya!”,abajijwe aho opposition yerekeza ati “ yabyemera atabyemera P5 yatangiye ayishyigikiye”Yungamo ati” iyo abahinzi bagiye inama inyoni zijya iyindi”niba ahisemo guhunga opposition ikorera hanze, ‘Fine’, niba ashinze irindi shyaka nakore iby’ umutimanama we umwemeza, very good”
Abatumva ibintu kimwe na Ingabire Victoire Umuhoza bahamya ko n’akomeza kuruma ahuha,byamubyarira amazi nk’ibisusa,imizinga y’inzuki ikavamwo imyibibano,abanyarwanda bari jisho,n’abandwe habona yitandukanye kuko niweuzabigiramo igihombo.
Bati Ingabire Victoire Umuhoza niyihana abikuye k’Umutima, akitandukanya akatura agasaba imbabazi abanyarwanda,ntakomeze gukina amayida amaraso aseseka.“ Umuko wa mubera Umurinzi” kuko umuzungu amushutse iminsi ko ari indahangarwa,yakwikoma mu gituza ati ndi Inkingi ya demokarasi,akibwira ko urutugu rukura rugasumba ijosi, n’abishyira hasi akumva ko nta shyanga rizayobora u Rwanda bazamwibuka nkuko bahaye abandi!
“Turi abarinzi bi byiza byu Rwanda, duteze ibiganza ngo hatagira uhungabanya ibyo byiza,Izuba Ryerekana ko hari umucyo nta mwijima
ugomba kuba mu gihugu cyacu.”
Mpariye abasomyi
Mukakibibi Saidati.
