Kamonyi: Niyobuhungiro Obed yibeshye ko akoze agashya bimubyarira amazi nk’ibisusa!

Nyuma y’itangazo ryatambutse ku mbuga nkoranyambaga, n’ibitangaza makuru binyuranye  ku ikubitiro aho benshi bibazaga niba Umurenge wa Karama waba uri mu bihe  bya COVID- 19, cyangwa umutekano muke. Rimaze gusakara  ntibyatinze kuwa 8 Nzeri 2023 ikinyamakuru Umuseke.com gitangaza   ko Gitifu wa Karama Niyobuhungiro Obed  yasabye guhagarika akazi mu gihe kitazwi buri wese akenera kumenya ukuri.

 

Mont Jali News yahamagaye ngo imenye inkuru ya mpuruye aha nuko yahamagawe kuwa 7 nzeri 2023 ko agomba kuba ageze ku Karere saa moya za mu gitondo.

Nyuma yo kwisobanura  ntagushidikanya ko  ya yatanze ibaruwa asaba guhagarika akazi kuwa 8 nzeri 2023  arasezera agenda amahoro atagira imperekeza kuko iyo usezeye ubishaka ntagahato utaha uko waje hose biransanzwe,intero niyo kubegura  kubushake.

 

Havuzwe byinshi amakuru dukesha umuseke ahamya ko Umunyamanga Nshingwabikorwa w’akarere ka Kamonyi Abiyingoma Gerald yatangaje ko akimara  gusohora iryo tangazo ubuyobozi bw’Akarere bwaramuganirije bishoboka ,ariko ntawamenya  niba ariyo mpamvu itumye  asezera ku kazi iyi ni nkuru dukesha umuseke.com, yungamo ko  iyo umuntu asezeye ko igisubizo  gitangwa mu munsi itarenze 30 bitabujije ko cyatangwa mbere akaba arinako byagenze kuko ibaruwa yemerera Niyobuhungiro Obed guhagarika akazi yatashye ayijyanye.

 

Abaturage ntibabyakiriye kimwe kuko benshi mu basomye iryo tangazo ryo kuwa 5 Nzeri 2023 batarishimiye bagira bati” Umuryango remezo n’imwe mu nkingi fatizo ya Kiriziya gatorika mu Rwanda, Kandi ifite ubuzima gatozi, ibyumba by’amasengesho mu matorero yemewe gukorera mu gihugu ntawe bibangamiye, ibitare bya mashyiga ni ahantu hari ubwiza nyaburaga hemerewe gusurwa ukahakorera Ibyiza uwakora ibinyuranyije n’amategeko yabiryozwa ku giti cye, kuko icyaha n’igatozi, kuko ahabera ubukerarugendo  hose bibaye Ibyo aba Krisito batandukanye ntibahatemberera. Kandi buri wese ashobora kubihuza n’imyemerere agahitamo aho asengera.

 

Nubwo bamwe bavuga ibyo hari abandi babyishimiye ko byibuze we agize ubutwari bwo gukumira ibyadutse ukumva ngo umugore cyangwa umugabo ahagurutse murugo agiye mu butayu n’amasengesho ya n’ijoro adashira asize abana. Ngo agiye gusenga hari nabigira mu bushoreke n’undi bahuje ingeso, bugacya agataha ,umugabo yagira ati hindikira akigira akaraha kajyahe ati utampohotera, undi yashyiramo akayabugabo RIB ikamutambikana, induru hirya no hino mu miryango, ruri hasi hejuru,ingo zarasenyutse kubera ibyumba Ibi bigatera amakimbirane mu ngo ndetse akurura impfu zahato na hato abo bari banyuzwe.

 

  Ikinyuranyo mu myimvire n’isesengura 

 

Kuri iyo nyandiko Mont Jali News ikimara gusoma itangazo ryatambutse twagize amatsiko duhamagara Niyobuhungiro Obed umunsi wabanjirije gusezera mu kazi tumubaza niba Karama iri mu bihe bidasanzwe by’umutekano cyangwa COVID-19 yagize ati” ntabikomeye birimo n’ibisanzwe  bitewe n’ibibazo bimaze Iminsi bigaragara niyo mpamvu  twafashe uwo mwanzuro nk’ Umurenge, yungamo ko hari umuhuro wabaye abagabo bane bafata umukobwa ku ngufu ndetse babiri  bakekwa barafunze,.muri Bunyonga na Namirembe,haherutse gupfira abantu 2 bari mu cyumba cya masengesho,icyo gihe hafashwe Pasteri na Mudugudu,  naho twahereye dufata uwo mwanzuro.

Ibitare bya MASHYIGA  n’ahantu nyaburanga kandi hafitwe n’umushoramali ugomba kuhabyaza umusaruro ati “Ibyo byasuzumwa n’abakozi bafasha ba mukerarugendo bakabyitaho”.

 

Yungamo ati, “ibyumba by’amasengesho bitera ibibazo mwibuke umudamu wo ku Kamonyi uherutse gupfira I Rwamagana, musubize amaso inyuma Aho baherutse guta muri yombi abantu batanu basengeraga mu buvumo iburasirazuba, rero itangazo twasohoye  twe tubona ari ibisanzwe ntabyacitse ariko ntawabuza abantu kuvuga..”.

 

Twashatse kuvugisha ubuyobozi bwa karere tel zacu ntibazakira, ariko inkuru dukesha Kigali Today yo kuwa 8 Nzeri 2023 Saa ya 16:39 iba avanye abayisomye murujijo kuko bavuganye n’ Abiyingoma Gerard  Umunyamabanga Nshingwabikorwa w’ akarere ati” nibyo itangazo  twararibonye ,ariko mu ibaruwa ye ntiyigeze avuga ko ariyo mpamvu ahagaritse àkazi keretse  mu mwibarije mu kumva ko aricyo cyabimuteye”.

Iyi mvugo kandi akaba ayihuriyeho na Maire Dr Nahayo Sylvère ari nawe muvugizi wa Karere nkuko biteganywa mu  mategeko aho yasubizaga intyoza.com.

Mont Jali News yahawe amakuru  na babandi badakunda ko amazina yabo atangazwa, ahamya ko Niyobuhungiro Obed  mu myaka yamaze akora akazi k’ubimyamabanga shingwabikorwa bw’umurenge amanota yahabwaga atari munsi ya mirongwinani ku ijana ndetse nta n’ibaruwa yandikiwe  imusaba ibisobanuro kuri iryo tangazo, bongeraho ko keretse abaye atangwa nk’ivanjiriya Yezu basoma ibyanditse bidahinduka.

 

Ku bijyanye n’imyitwarire yo kutanoza akazi yarashinzwe  akagirana ibibazo n’abakozi  nka Dasso bakoranaga I Kayumbu atariwe wabaye impamvu yiyimurwa rye kuko uyu mu Dasso Emmanuel  yagize ikibazo cyo kuba yaragiye gufata umugabo wa sambanyije umwana agira uburangare  amusize hanze uyu nawe acikana ipingu yafatiwe ku Rugalika ashyikirizwa inzego zibishinzwe.

 

Ibindi byagarutsweho ubwo yari Gitifu w’Umurenge wa Ngamba afungwa  araburana  aba umwere, agaruka mu kazi iyo haza kuba hari ikibazo akarere kaba  karamwirukanye kuko kari kabifiye ububasha bagasanga atari Ikibazo kuko atari we wa mbere uketswe agafungwa bikarangira ahawe ubutabera, hari n’abandi byashyikiye yewe hari nabagikora barakatiwe n’inkiko .

 

Mont Jali News Kandi yaganiriye n’abahanga mu icukumbura isanga hari amakuru yatanzwe na Akarere  ko ari imvugo ya Politiki  aho batangaza ko   uwegujwe yanditse abagiye burundu naho  uhagaritse akazi ku bushake bwe aba ashobora gusubira mu kazi ke ngo agende amahoro kuko ntarindi kosa yasabwe kwisobanura ho mu kazi Kandi amanota  ye yari nta makemwa . Niyobuhungiro Obed nawe ntabwo yari gusambagurika kandi  umwanzuro wafashwe.

Bamuganirije iki cyatumye afata umwanzuro wo guhagarika akazi kari kamutunze, n’umuryango we, n’iki cyamuhabuye abamuzi ko bazi ko yihagararaho kandi ko  amabwiriza atangwa ahantu hatandukanye kuki ari Karama. byateje ikibazo ?

Urugero mu Murenge wa Rugerero mu itangazo  dufitiye kopi ryo kuwa.1/9/2023.

 Niyobuhungiro yabaye igitambo cy’ibibazo bitutumba muri Kamonyi aho imirenge wa Nyarubaka abarezi biciyemo biyita Kabashengure”byari bisanzwe bizwi barabihishira ahubwo bihutira gukurayo Umunyamabanga Nshingwabikorwa  byarenze akorera Akarere raporo.amakuru atugeraho nuko mu Murenge wa Gacurabwenge naho hari ibyumba by’amasengesho bitera ibibazo,hakiyongera abarungi,I Rukoma aha hose NGO hakorerwamo ibyangwa n’amaso y’Uwiteka (ubusambanyi). Iyi nkuru turacyayicukumbura gusa Abayobozi bacane kujisho,kuko uwafashe ingamba byamucanze,agacanga nyikirwa atamaze Iminsi  100 ikarama atabemeje.

 

Byarakozwe iburasirazuba  abayobozi bihanangirije abaturage ndetse ubuvumo burasibwa, kanyarira ubwo hagwagayo umupolisikazi, ibyemezo byarafashwe,niki yaganirijwe cyatumye afata umwanzuro  wo kubabaza umuryango we igitaraganya?

 

Hari ibyahishwe ntanduru ivugira ubusa ku musozi , itangazo Niyobuhungiro Obed yasohoye rya guye mu jisho rya Opposition maze rigirwa inkuru kuri imwe Muri TV zikorera kuri murandasi, maze bamwe icyoba kirabataha,baritabara bamusaba kwiyigizayo  ngo Kamonyi idahura n’ikibazo  kuko ngo atagishije inama mbere yo kurisohora., bikazaganirwa muri Bose babireba mu nteko z’abaturage, bagahumurizwa, ariko igitutu cyabaye  kirekire ,abandi bati yazize gushyuhaguza kuko yashyize amabwiriza y’ibanga mu nyandiko kandi atabiherewe uruhushya ngo akunde ashimwe, abandi bati”akarenze umunwa karushya ihamagara, inyandiko yari yamaze gukwira hose, ntagaruriro ngo yivuguruze”.

 

Abandi bati” iyo biba guhubuka siwe wari kugenda mbere, ikibazo gikomeye nuko inzego z’ubuyobozi mu buryo butandukanye zisigaye zifata imyanzuro ku gitutu cy’imbuga nkoranyambaga, bamwe bakirukanwa abandi bakiyurukana abandi bagatabwa muri yombi, urundi rugero rwa hafi n’urugomo ruherutse gukorwa n’abanyerondo I Ngamba ,abayobozi b’inzego zibanze barabihisha aho BTN ibitangarije ubu batatu RIB ya Kamonyi yabataye muri yombi  umuyobozi wa Ngamba nawe ubwo azitaba nyobozi  abisobanure.

Bravo BTN na RIB bakosoye ikosa ryo gukingira ikibaba iz’ibanze, guhishirana, kudatanga amakuru ku gihe cyangwa hagatangwa ay’ikinyoma  dore ko yahawe intebe. Aho naho ubuyobozi bw’Akarere ka Kamonyi bubaganirize !

 

 

Mukakibibi Saidati.