Jean Pierre yankurije bakunze kwita Matene yitabye Imana kuwa 1 Kamena 2021 azize impanuka y’imodoka yaratwaye yerekeza I Kigali. Ni umugabo wari inshuti y’abakuze, urubyiruko, ndetse abakene bakamwisangaho kurusha abakire.
Yavukiye I Rukoma akaba yari rwiyemeza milimo mu bucukuzi bw’amabuye y’agaciro, ndetse akaba na Vice President w’ishyirahamwe ry’abakorera muri Kamonyi.
Inkuru y’urupfu rwe ikimara kumenyekana, umuryango we, abo bakoranaga, abo bareranywe n’abakene yafashaga bacitse umugongo! Kurundi ruhande ariko bati “Imfizi y’umurenge wa Rukoma igiye kwigarurira urugo rwe ntagushidikanya!” Aya magambo ajimije twashatse gusobanuza impamvu yabyo bitsa imutima, bavugira mu matatama bati “uwo muntu arakomeye uhingukije izina rye bahita bagufunga, uretse ko ari umuyobozi anakorana n’abantu bakomeye.”

NKURUNZIZA Jean de Dieu – Gitifu w’umurenge wa Rukoma

Mont Jali News yakoze ubucukumbuzi isanga uwavugwaga ko agiye kwigarurira urugo rwa Jean Pierre Yankurije ari Jean de Dieu Nkurunziza, Gitifu w’umurenge wa Rukoma wari watwaye umugore wa Nyakwigendera. Hari hashize igihe gito bakoranye impanuka mu ijoro, avuye kumurya umunyenga, ahantu tudashatse kwamamaza kuko ariho hakorewa ubusambanyi barabipfunyika birazima kubera iterabwoba ry’Imfizi ya Rukoma akabyiniriro bamuhaye cyangwa inzarwe y’isayo mu ngutiya, abandi ngo ntagihamya, iyindi yari ikenewe n’iyihe!! Irangiza rubanza ko atarihanagura, yewe n’umwana yabyaye ko ahari! Iperereza ikimenyetso cya nyuma ni ADN amazimwe agashira.
Bamwe mu baturage batifuje ko amazina yabo atangazwa bagaragaza ko uyu mugabo ari ingeso yaherewe umudende kuko yaje mu murenge wa Rukoma aturutse ku Mugina aho yavuye yakubise umugabo yasambanyirizaga umugore ndetse agahamwa n’icyaha cyo gukubita no gukomeretsa agakatirwa igifungo cy’amezi atanu n’urukiko gisubitse. Akarere kamuhungishiriza mu Murenge wa Rukoma umujinya w’abaturage yoneraga abagore, n’abakobwa bakabura kivurira.

Nyakibi Ntirara Bushyitsi !!

Abanyarwanda bati kamere ntikurwa na reka, cyangwa ngo akabaye icwende ntikoga, yageze I Rukoma aturuka ruhande aho yahereye asambanya atera inda kugeza no ku banyeshuri, aho bizwi n’umuhisi n’umugenzi ko yateye umwangavu wigaga mu m’urwunge rwa mashuri rwa Remera Rukoma bimuviramo kuva mu ishuri abanza kubyara, muri 2019 umwana w’umuhungu.
Ababyeyi b’uyu mwangavu bihagazeho ubwo basangaga Jean de Dieu Nkurunziza iwabo murugo, maze umusaza ati “ntuva munzara, ku nterera umwana inda ukaba n’umuyobozi?” Gitifu yaratakambye umusaza arasisira, undi aba yoherereje ubutumwa bugufi arahamagara maze hatabara uwari Maire wa karere ka Kamonyi, arahurura, aza gukwa akayabo kamafaranga Gitifu yemera ibyo azajyatungisha umwana we hiyongeraho ko umwana nacuka uyu mukobwa azasubizwa mu Ishuri ubu akaba arimo kwiga mu wa gatandatu aho azasoza amashuri uyu mwaka.
Bamwe mu batinyutse gutanga amakuru bibaza niba itegeko rihana abasambanya abana ritareba gitifu w’umurenge wa Rukoma, kuko ibyakora atari impanuka, aho yavuye yabihaniwe n’amategeko, araza asenya ingo z’abagabo barimo n’uyu wari uzwi kurya Matene yari yabujije amahwemo.
Amakuru agezweho nuko yamaze kwigarurira umutima wa Mwalimu Candide kubera guhinduranya ingutiya ubu akaba yaramugabiye ikigo cy’ishuri abereye Directrice abifashijwemo n’umushinzwe uburezi ku Murenge witwa Theophile.
Hari bazwa byinshi, hirya no hino havugwa ko ruswa y’igitsina ihanwa n’amategeko, ahandi ukumva urwego rw’igihugu rw’ubugenzacyaha ngo rwakurikiranye abaganga basambanyije abarwayi bagahanwa, byaravuzwe za Gicumbi, biravugwa muri Kamonyi, za Gakenke RIB iti “niba hari ibimenyetso mudutungire agatoki!”, muri Rukoma habuze iki ngo Jean de Dieu Nkurunziza akurikiranwe ku cyaha cyo gutera uyu munyeshuri inda , cyangwa ngo umuyobozi waje kubunga amufatire icyemezo cy’imyitwarire abiryozwe dore ko yagombaga kurenganura uyu mwangavu wari wahohotewe?!
Iyi nkuru nubwo imaze iminsi ntibisobanura ko itamenyekanye, ahubwo bose bagiye baruma bagahuha, bakanga kwiteranya.
Ntanubwo ibimenyetso byabuze kuko iyo bashaka kumenya ukuri Gitifu w’umurenge nawe bakamukiza urubwa bari kujya gukoresha ibimenyetso bya gihanga bakareba isano iri hagati y’umwana n’umubyeyi iyo habamo ubushake, ariko siko byagenze ahubwo bihutiye gutanga inkwano bemera indezo kugeza uyu munsi igenerwa uyu mwana yabyaranye n‘umwana wumunyeshuli.
Bamwe mubo twaganiriye bifuje ko urwego rw’umuryango rwa FPR Inkotanyi rugaruka mu mahame yarwo n’indahiro ko ntamunyamuryango ukwiye kwiyandarika, bikiyongeraho ko ari umuyobozi , witwara nabi, yewe n’uwamukingiye ikibaba nawe ko akwiye kubiryozwa kuko nawe simiseke igoroye, aho kumuhana yihutiye kumukura mu menyo yarubamba, ubundi barabebera gusa uwububa abonwa nuhagaze!
Muri ibi bihe hari imvugo igezweho ngo Mineur n’abana ba R.I.B ese iyo bikozwe n’umuyobozi Maire arunga akanakosha !!
Abwirwa benshi akumva beneyo, iby’Imfizi ya Rukoma cyangwa inzarwe y’ingutiya ntibigomba ibindi bimenyetso cyangwa kubaza uruhande ruvugwa kuko urubanza rwaciwe agahanwa n’amategeko rushingiye ku kwiyandarika, umwana yabyaye arahari uwagira ingingimira yanyarukira mu mudugudu wa Tunza –Buguli – Rukoma azagende abaza ati “mutwereke iwabo w’umwana Gitifu w’umurenge yateye inda bazamujyana no murugo rwababyeyi be ngo Baaa!
Abo bireba nibatabare bakure igitutsi mu Muryango wa FPR Inkotanyi.
Montjali News.