Ibyaranze urubanza rwa Cyimana Egide mu Rukiko rw’Ibanze rwa Gashari-Karongi.

Ibyaranze urubanza rwa Cyimana Egide mu Rukiko rw’Ibanze rwa Gashari-Karongi.

Ibiro by’akarere ka Karongi – Courtesy photo

Kuri uyu wa gatatu taliki ya 23 Ukuboza 2025 mu rukiko rw’ibanze rwa Gashari habereye urubanza  rwa Cyimana Egide. Mbere y’itangira ry’urubanza habaye ibyatunguye abari bahari; kwigaragaza kwa Emmanuel Sibomana alias Rukundo  waje ku rukiko mu gihe inzego z’ibanze  n’umutekano bahamyaga ko atakibaboneka. Ikindi cyaranze uru rubanza ni uko abari mu cyumba cy’iburanisha bumiwe nyuma y’uko ubushinjacyaha buhabwa ijambo, uregwa  n’umwunganizi we barisobanuye ku cyaha Cyimana Egide ahakana akagaragaza ko yagambaniwe n’inzego z’ibanze zamwihimuyeho, Abatangabuhamya 6/9 ni abayobozi barimo umuyobozi wumudugudu, Dasso babiri, Sedo babiri, hamwe na Gitifu w’akagari, hakiyongeraho  umutangabuhanya Cyuzuzo Philbert ufunze wakatiwe n’urukiko rwibanze rwa Gashari igihano cy’umwaka umwe akaba yaraburanye yemera icyaha anavuga ko umukoresha we ari Rukundo amazina ye nyayo ariyo Emmanuel Sibomana – izina rigaruka inshuro nyinshi mu manza z’urugomo n’abamunyongoro.

Abamunyongoro bacukura muri Mashyiga

Abayobozi batandatu mu Murenge wa Murambi bashinje umuturage mu bugenzacyaha, bakora na raporo yo gushyikiriza ubuyobozi  yo muri Gicurasi 2025, uyu muturage afungurwa n’ubushinjacyaha buvuga ko ibimenyetso bidahagije, yongera gufatwa arafungwa  kuri dosiye imwe nta kimenyetso cyiyongereyeho ntan’iperereza ryimbitse ryakozwe. Ibi n’ibyavugiwe m’urukiko, bongeraho ko bamugiriye inama yo kuregera ubugenzacyaha ntiyabikora. Cyimana mu kwiregura ati “dore ukuri ng’uku agaragaza numero ya dossier ya RIB yatangiyeho ikirego,  abari mucyumba kiburanisha bose bagwa mu kantu ngo cwe!

Cyuzuzo Philbert akaba ashinja Cyimana Egide mu gihe ibyo amushinja byakozwe afungiye muri Gereza ya Muhanga yafungurwa  nyuma yigihe gito agahita akora andi makosa yamujyanye muri Centre de Transit i Mwendo – Tongati.  Undi mutangabuhamya watangaje abantu mu rukiko mu mvugo ye yitwa Sylvestre Niyodusenga akaba yarashinje Cyimana Egide ko yari umukoresha we mu kwezi kwa Kanama ko yamuhemberega iwe munsi y’urugo avuye kwishuri aho yigisha, ibi byazamuye amaranga mutima ya bamwe mu muryango wa Cyimana abandi barahigima  kuko uyu mushinjabinyoma imvugo ze nta kuri kurimo ushingiye ku kwisobanura kwa Cyimana  muri Kanama kuko hari muri Vacance abana batiga kandi nawe yari ku ishuri  yiga muri Kaminuza  ya UCK-Muhanga mu kiruhuko nkuko bigaragazwa nikarite ye yishuri yashyikirije urukiko rw’ibanze rwa Gashari.

Rapport y’inzego zibanze yatanzwe n’abayobozi bakaba n’abashinja, abaturage bibazaga bati: “uyu munsi niba Cyimana afunze, abayobozi bakaba bagihari, abamunyongoro bakaba bagikora hariya  batahagaritse ibikorwa mu mugezi wa Mashyiga n’inkengero zawo, inzego zumutekano n’izibanze zirangajwe niki? Uyu munsi barakorera nde?”
Ikindi cyazamuye amarangamutima ni uburyo Egide Cyimana yafashwemo yaguwe gitumo nkumujura afatwa mu Ijoro saa cyenda; ntiyigeze ahamagazwa  ngo yange kwitaba mugihe yatangaga ikirego yabaga yageze kuri RIB, Polisi, n’ubuyobozi ntawe yihishe kuko iyoy abaga atagiye kwigisha yabaga ari ku ishuri i Muhanga. Ahubwo ngo yategetswe gufata ibitiyo bari bafashe muba munyongoro bashaka kumufotora muri iryo joro kandi yakoreshejwe mu kwerekana aho bamwe muba munyungoro batuye. Yagaragarije mu Rukiko ko n’ubwo ubushinjacyaha  buvuga ko atigeze atanga ikirego ko ahohoterwa, yerekanye numero y’ikirego yagejeje kur RIB ya Gashari  ariko  ntiyahabwa ubutabera.

Me Gerome Musafiri wunganira Cyimana ati “reka tubivugire hano mu Rukiko, ubushinjacyaha buzashakishe impamvu uyu witwa Emmanuel Sibomana wiyita Rukundo,” Yungamo  agira ati “njyewe ubwanjye namweretse umupolisi  ansubiza ko nta bubasha afite bwo kumufata kuko ntawamumutumye. Mu gihe hanze aho hari ijambo rivuga riti “ese hari uwamufashe ifoto hano ku rukiko ngo kibe ikimenyetso ko yarahari?”
Urubanza ruzasomwa kuwa 30 Ukuboza 2025 saa Munani n’igice, mubitabiriye iryo buranisha harimo umugenzacyaha Bagirigomwa Francois Xavier ari nawe wamukoreye dossier ndetse na I.O wa polisi ya station ya Gashari, uregwa akaba ategereje ubutabera kuko ariyo mizero y’umuryango we.

Duhariye abasomyi kandi iryamukuru ntirizinduka riba ryagiye kureba!
MUKAKIBIBI  Saidati